कपिलवस्तु, १० मंसिर ।
बाणगंगा नगरपालिका वडा नम्बर ८ चप्परगाउँमा रहेको युनाइटेड स्टुडेन्ट्स एकेडेमि माध्यमिक विद्यालयले शुक्रवार विद्यालयमा अध्यानरत बालबालिकाको निःशुल्क स्वास्थ्य परिक्षण गरेको छ ।
विद्यर्थीको स्वास्थ्य अवस्था जानकारी एवं सचेतनाका लागि जय पाथिभरा पोलिक्लिनिक बाणगंगा ७ बनगाईको प्राविधिक सहयोगमा निःशुल्क स्वास्थ्य परिक्षण शिविर सम्पन्न गरेको हो ।
मौसमी हावापानि परिवर्तन सङ्गै बालबालिकामा देखिने स्वास्थ्य समस्या समधान, रोग सङ्क्रमण जोखीम न्युनिकरण एवम उमेर वृद्धि सङ्गै बालबालिकामा देखिन सक्ने संवेगात्मक जोखिम, चिन्ता, डिप्रेशन, एक्लोपन, जिद्धिपन, मनोवैज्ञानिक समस्या लगायत समस्या समधानको लागि विद्यालयले स्वास्थ्य परिक्षण शिविर आयोजना गरेको हो । उक्त शिविरमा बालबालिकाको ल्याब परिक्षण अन्तर्रगत ब्लड समुह, जनरल स्वास्थ्य चेकजाँच एवम आवश्यक औषधी समेत उपलब्ध गराइएको थियो ।
स्वास्थ्य परिक्षणका क्रममा डाक्टर विजय भुसालले स्वास्थ्य परिक्षण तथा मनोपरामर्श सेवा प्रदान गर्नुभएको थियो । सो शिविरको समन्वय फार्मासिस्ट सागर कुवरले गर्नुभएको थियो भने सन फार्म, लोमस फार्मास्टिकस र एपेक्स फार्मस्टिक्सले निशुल्क औषधी वितरण गरेको थियो ।
प्रतिक्रिया