अर्थ-वाणिज्य

दाङवाट राजधानी फिर्ता गरेर बुटवल ल्याउन गहमन्त्रीले गरे उद्घोष : एमाले उपाध्यक्ष पौडेल र खाँणको एकै स्वर




बुटवल ३० कात्तिक, । दाङवाट राजधानी फिर्ता गरेर बुटवल ल्याउने एमाले उपाध्यक्ष बिष्णु पौडेलको घोषणाको एक हप्ता नपुग्दै सरकारका गृहमन्त्री वाल कृष्ण खाँणले पनि यहि शब्द दोहोराएका छन् । गृहमन्त्री खाँणले लुम्बिनी प्रदेशको स्थायी राजधानी रुपन्देहीमै फिर्ता ल्याइने बताएका छन् ।बुधबार सत्तारुढ गठबन्धनले गरेको पत्रकार सम्मेलनमा उनले कुनै पूर्वाधार नै नभएको ठाउँ दाङको भालुवाङमा प्रदेश राजधानी रहन नसक्ने जिकिर गरे ।‘रुपन्देहीका जनतालाई थाहा नदिई कसैले राजधानी सार्छ भने बाटैबाट त्यो राजधानी सारेर फिर्ता ल्याइने छ’ खाँणले भने ।
दाङको भालुबाङमा राजधानी लैजाँदा सरकारको खर्बौं रकम खर्च हुने भएकाले उक्त निर्णय सच्याउनुपर्ने मन्त्री खाँणले बताए । ‘राजधानी तोक्ने अधिकार प्रदेश सभाको हो, त्यसलाई परीक्षण गर्ने र सच्याउने काम पनि प्रदेशसभाकै हो’, उनले भने, ‘कुनै पूर्वाधार नभएको स्थानमा राजधानी लैजाँदा पूर्वाधार निर्माण, पानी, सिँचाइ, सडक, भवन बनाउँदा सरकारको खर्बौं रकम खर्च हुन्छ, यतिधेरै रकम खर्च गर्न सकिदैन ।’गृहमन्त्री खाणले प्रधानमन्त्री शेरबहादुर देउवाको पालामा बुटवलमा अस्थायी राजधानी स्थापना गरेको स्मरण गरे ।

राजधानी बुटवलमा राख्न सेनाको प्रदेश मुख्यालय पनि स्थापना गरेको बताउदै उनले पूर्वाधार नै नभएको स्थानमा लगिएको राजधानीबारे पुनर्विचार हुने दाबी गरे ।यसअघि रुपन्देहीकै नेता एमाले उपाध्यक्ष विष्णु पौडेलले पनि लुम्बिनीको राजधानी रुपन्देहीमै ल्याउन सकिने बताएका थिए ।हिमालय टेलिभिजनले रुपन्देहीको भलबारीमा गरेको निर्वाचन विशेष कार्यक्रममा राजधानी रुपन्देहीबाट दाङ सार्ने निर्णय कुनै ढुंगाको अक्षर नभएको भन्दै प्रदेशसभाको बहुमतले फिर्ता ल्याउन सकिने बताएका थिए ।अघिल्लो प्रदेशसभाले लुम्बिनीको स्थायी राजधानी दाङको भालुवाङमा राख्ने निर्णय गरेको थियो ।

प्रकाशित : १ मंसिर २०७९, बिहिबार

सूचना विभाग दर्ता नं.

८५८-२०७५/७६

सम्पर्क

सम्पर्क ठेगाना : बाणगंगा न.पा.– ४ जितपुर, कपिलवस्तु
कपोरेट कार्यालय : बुटवल उपमहानगरपालिका, ट्राफिक चोक
प्रादेशिक कार्यालय : देउखुरी दाङ
सम्पर्क नं. ०७६–५५०२८३,५५०२६०,९८५७०५०९७०
E-mail : [email protected]

हाम्रो समूह

  • प्रवन्ध निर्देशक :  
    लक्ष्मण प्रसाद बेल्बासे
  • प्रधान सम्पादक :  
    भेषराज पाण्डे
  • कार्यकारी सम्पादक :  
    डिलाराम भुसाल