बिकास थापा
कपिलवस्तु १४ असोज ।झण्डा माबि भन्ने बित्तिकै राम्रो पढाई हुन्छ भन्ने पर्याबाची नाम रहेपनि अहिले भने गुणस्तरमा केही कमजोरी देखिएको बाणगंगा नगरपालिकाका मेयर चक्रपाणी अर्यालले बताउनु भएको छ । बाणगंगा ५ स्थित झण्डा माबिले आयोजना गरको सहयोगिदाता सम्मान तथा शुभकामना कार्यक्रमलाई सम्बोधन गर्दै मेयर अर्यालले शैक्षिक स्तर बढाउन सञ्चालक समिति र प्रध्यानध्यापक सक्रिय भएर बिद्यालयको स्तरलाई पहिलेको गतिमा पुराउन सुझाब दिनुभयो । भौतिक निर्माणमा सुधार हुदै गईरहेको अवस्थामा बिद्यार्थी संख्या थप बढाउदै लैजान आवश्यक रहेको उहाको भनाई छ ।
यस्तै कायर्यक्रमा बोल्दै बिद्यालयका संस्थापक प्रध्यानध्यापक झबिलाल पोख्रेलले भौतिक संरचनालाई मात्र ध्यान दिएर गुणस्तर राम्रो छ भन्न नमिल्ने बताउनुभयो । नगरमा राम्रो संग दरबन्दी मिलानको काम पनि हुन नसकेको बताउदै शैक्षिक क्षेत्रको परिवर्तन हुने गरि जनप्रतिधिलाई लाग्न सुझाब दिदै दिनुभयो । यस्तै कार्यक्रममा बोल्दै वडा नं ५ का वडा अध्यक्ष दुनिका भूषालले वडामा रहेका बिद्यालयहरुको सञ्चालक समितिलाई सक्रिय बनाउने गरि योजना भईरहेको बताउनुभयो । वडा भित्रका बिद्यालयको शैक्षिक अवस्थालाई सुधार गर्ने गरि अघि बढ्ने धारणा राख्नुभयो । कार्यक्रममा झण्डा माबिलाई ३ लाख ६० हजारको १२ थान कप्युटर सहयोग गर्ने सहयोगि दाता स्थानिय समाजसेवि कृष्ण बहादुर कार्कीलाई दोसल्ला र सम्मान पत्रका साथमा सम्मान गरिएको छ ।
यस्तै बिद्यायमा १० वटा पानीका धारा सहित स्वच्छ खानेपानीको ब्यवस्था गरिदिने स्थानिय समाज सेवी शंकर न्यौपाने ,बिष्णु न्यौपाने र अक्षयकोष स्थापना गरि गरिब बिपन्न बिद्यार्थीहरुलाई सहयोग गर्ने स्थानिय समाजसेवी सहयोगिदाता कृष्ण बहादुर खत्रीलाई पनि दोसल्ला र सम्मान पत्रका साथमा सम्मान गरिएको छ । बिद्यालय ब्यवस्थापन समितिका अध्यक्ष कमल खनालको अध्यक्षता , बाणगंगा ६ का वडा अध्यक्ष करुण टन्डन ,कार्यपालिका सदस्य पिताम्बर बिक, वडा सदस्य नयन कुमारी थारु ,बुद्ध थारु , बिद्यालयका प्रअ कृष्ण टन्डन ,शिक्षक अभिभावक संघका अध्यक्ष भरत कार्की , बिद्यालय सल्लाहकार संयोजक शशि सापकोटा लगाएतको आतिथ्यता रहेको थियो । बिद्यालयका सहायक प्रअ किरण पन्थीको स्वागत मन्तब्यबाट शुरु भएको कार्यक्रमको सञ्चालन शिक्षक कृष्ण न्यौपानेले गर्नुभएको थियो
प्रतिक्रिया