देश

निर्वाचन चिह्नबारे भ्रम सिर्जना गरेकोप्रति आयोगको ध्यानकर्षण



काठमाडौं : निर्वाचन चिह्नबारे भ्रम सिर्जना गरेकोप्रति निर्वाचन आयोगले ध्यानकर्षण भएको जनाएको छ। निर्वाचन आयोगमा दर्ता रहेको हाम्रो नेपाली पार्टी नामक राजनीतिक दललाई प्रदान गरेको चुनाव चिह्न स्वतन्त्रहरूको साझा तथा वैकल्पिक चिह्न भनेर जनमानसमा भ्रम सिर्जना गर्ने कार्य भइरहेको प्रति आयोगले ध्यानाकर्षण भएको जनाएको हो। दललाई प्रदान गरिएको निर्वाचन चिह्न स्वतन्त्र उम्मेदवारको निर्वाचन चिह्नको समूहमा नरहने र उम्मेदवारहरूलाई प्रदान गर्न नसकिने आयोगले जनाएको छ। आयोगले दलको नामबाट लौरो चिह्न प्रयोग नगरी स्वतन्त्र तथा वैकल्पिक शक्तिको लौरो अभियान स्वतन्त्र उम्मेदवार भनी प्रचारप्रसार गरेको कार्य निर्वाचनको स्वच्छ प्रतिष्पर्धाको सिद्धान्तविपरीत देखिएको र यसले आम जनमानसमा भ्रम तथा अन्यौलता सिर्जना भएको जनाएको छ।आयोगले त्यस्ता भ्रामक कुराहरू प्रचारप्रसार नगर्न नगराउन र विभिन्न सामाजिक सञ्जालमा लौरो चिह्न भनी राखिएका सामग्री तुरुन्त हटाउनका तीन दिनभित्र आयोगमा स्वयं उपस्थित भई स्पष्टीकरण पेश गर्न हाम्रो नेपाली पार्टीका अध्यक्ष अनन्तराज घिमिरेलाई आदेश दिएको छ।

प्रकाशित : ७ आश्विन २०७९, शुक्रबार

सूचना विभाग दर्ता नं.

८५८-२०७५/७६

सम्पर्क

सम्पर्क ठेगाना : बाणगंगा न.पा.– ४ जितपुर, कपिलवस्तु
कपोरेट कार्यालय : बुटवल उपमहानगरपालिका, ट्राफिक चोक
प्रादेशिक कार्यालय : देउखुरी दाङ
सम्पर्क नं. ०७६–५५०२८३,५५०२६०,९८५७०५०९७०
E-mail : [email protected]

हाम्रो समूह

  • प्रवन्ध निर्देशक :  
    लक्ष्मण प्रसाद बेल्बासे
  • प्रधान सम्पादक :  
    भेषराज पाण्डे
  • कार्यकारी सम्पादक :  
    डिलाराम भुसाल