पशुपति गिरी
कपिलवस्तु ,३असौज । वाणगङ्गा साहित्यक प्रतिष्ठानको सत्रौं साधारण सभा तथा छैटौं अधिवेशन वाणगङ्गा मा वि लौगाईमा सम्पन्न भएको छ । प्रतिष्ठानका अध्यक्ष नित्यानन्द पाण्डे को अध्यक्षता र वाणगंगा मा वि का अध्यक्ष हुमनाथ पाैडेलकाे प्रमुख आतिथ्यतामा रचना वाचन र साहित्यिक विचार आदानप्रदान भएको चुणामणी पाैडेलले बताए । कार्यक्रमका प्रमुख अतिथि समेत रहेका बाणगङ्गा मा वि का अध्यक्ष हुमनाथ पौडेलले नेपाली भाषा साहित्यका क्षेत्रमा महत्वपूर्ण योगदान पु-याएको भन्दै प्रतिष्ठान स्थापना हुनु सान्दर्भिक रहेको बताए । कार्यक्रममा उपाध्यक्ष देवका भण्डारीको स्वागत मन्तव्य , चुणामणी पौडेल को सञ्चालनमा उक्त कार्यक्रम सम्पन्न भएको हो ।रचना वाचन र साहित्यिक वाचनमा कृष्ण प्रसाद पाण्डे , कृष्ण प्रसाद घिमिरे , मोहन ज्ञवाली , मोहन अधिकारी , राधा पाण्डे , आत्मराम आचार्य , नित्यानन्द पाण्डे लगायतले आफ्ना रचना प्रस्तुत गरेका थिए । हुन् । त्यस्तै साहित्यक प्रतिष्ठानकाे बन्द सत्र अधिवेशनबाट अध्यक्षमा ज्याेतिष श्रीकृष्ण प्रसाद पाण्डे चयन भएका हुन्। भने उपाध्यक्षमा देवका भण्डारी , सचिव मोहन अधिकारी , कोषाध्यक्ष कृष्ण प्रसाद न्यौपाने, सह सचिब कमला खनाल निर्वाचित भएका छन् । त्यसैगरी सदस्यमा राधा पाण्डे , सारदा पौडेल , पुनाराम गिरी र राधा पाण्डे निर्वाचित भएका छन् ।
प्रतिक्रिया