गोरखाको मतदान केन्द्रमा चल्यो गोली , कर्मचारी घाइते

काठमाडौं । गोरखाको भीमसेन थापा गाउँपालिका वडा नम्बर २ स्थित खराखसे मतदान केन्द्रमा गोली चलेको छ । स्थानीय सिद्धकाली मावि गोरखामा कांग्रेस, एमाले र माओवादी कार्यकर्ताबीच विवाद भएको थियो । सोही क्रममा विवादले उग्ररुप लिएपछि गोली चलेको थियो । प्रहरीले चलाएको गोली लागेर निर्वाचनमा खटिएकी कर्मचारी घाइते भएकी छन् ।

कर्मचारी मनिषा थापालाई गोली लागेको छ । उनको खुट्टामा गोली लागेको छ । मतदानस्थलको बाहिर विवाद भएपछि नेकपा एमालेका कार्यकर्ताले बुथ फाल्ने चेतावनी दिएका थिए । त्यसपछि विवादले चर्को रुप लिएको थियो ।