कोरोनाको कारण साउदी अरबमा स्याङ्जाका एक नेपालीको ज्यान गयो

121

स्याङजा, १२ साउन । विदेशमा कोरोना भाइरस संक्रमणबाट ९५ प्रतिशत नेपाली निको भइरहेको बताइरहेका बेला कोरोनाकै कारण साउदी अरबमा एक नेपालीको ज्यान गएको छ ।कोरोना संक्रमणका कारण साउदी अबरमा स्याङ्जा गल्याङ नगरपालिका–८ का रोशन श्रेष्ठको ज्यान गएको हो । साउदी अरबको दमाम सेन्ट्रल अस्पतालमा ३५ दिनदेखि कोरोनाको उपचार गराइरहेका उनको ज्यान गएको एनए मिडियाका जनसम्पर्क निर्देशक बालकृष्ण पङ्गेनीले जानकारी दिएका छन् ।श्रेष्ठ नेपालमा लकडाउन हुनुभन्दा एक दिनअघि साउदी पुगेका थिए । एनए मिडियाका म्यानेजिङ डाइरेक्टर समेत रहेका श्रेष्ठ स्याङ्जा सहयोग समाजलगायतका सङ्घसंस्थामा सक्रिय थिए । श्रीमतीसहित साउदीमा बस्दै आएका श्रेष्ठ बिदामा घर आएपछि श्रीमतीलाई काठमाडौंमै छोडेर साउदीतर्फ फर्किएका थिए ।

कमेन्ट गर्नुहोस् :

फेसबुकमा लाइक गर्नुहोस् :

सम्बन्धित समाचार