बाणगंगा सुनचाँदी ब्यवसायीद्धारा अनिता विकको उपचारमा ५० हजार सहयोग

162


कपिलवस्तु , १०  असोज  सुत्केरीपछि प्राणघातक रोगको सिकार भएकी कपिलवस्तु बाणगंगा वडा न. ८की २२ बर्षिय महिला अनिता विकको उपचारमा सहयोग रकम जुट्न थालेको छ । 

काठमाण्डौँको बासबारीस्थित मंगोलिया न्यूरो हस्पिटलमा उपचाररत विकको परिवारको अवस्थाले धान्न नसक्ने भएपछि विभिन्न अनलाईन तथा रेडियोहरुबाट समाचार संप्रेसण भएपछि उनको उपचारको लागि सहयोग जुट्न शुरु भएको हो । अनिता विकको उपचारमा बाणगंगा सुनचाँदी ब्यवसायी संघ ४ नम्बर जितपुरले अनिताको घरमै पुगेर ५० हजार सहयोग गरेको छ ।

अनिताको स्वास्थ्य लाभको कामना गर्दै संघका अध्यक्ष डिल बहादुर सुनारको टोलीले सो सहयोग अनिताका ससुरालाई हस्तान्तरण गरेका थिए । साथै उनीहरुले विकको स्वास्थ्य लाभको कामना पनि गरेका छन् । अनिताको उपचारमा अहिले २५ लाख बढी खर्च भइसकेको छ । दैनिक १ लाख खर्च हुने, भेन्टिलेटरमा दैनिक २० हजार वहन गर्न नसक्दा सो परिवार अहिले तनाव ग्रस्त भएको छ।

फलामको काम गरेर जीवन गुजारा गरेको सो परिवारले अहिले चप्परगाउँमा रहेको १० धुर जग्गा र त्यहाँ बनेको घर धरौटीमा राखेर पैसा झिकिसकेको छ । तर पनि उपचारमा अपुग भएपछि सबैसंग याचना गर्नुको विकल्प नरहेको परिवारले बताए । अनिताकी २ महिनाकी छोरी घरमा छिन् भने उनी अस्पतालको भेन्टिलेटरमा जीवन मरणसंग लडिरहेकी छिन् ।


कमेन्ट गर्नुहोस् :

फेसबुकमा लाइक गर्नुहोस् :

सम्बन्धित समाचार