जुवाको खालबाट १ लाख नगद सहित १० जना पक्राउ

336

दाङ ३ साउन । दाङमा जुवा खेलिरहेका १० जना एक लाख बढी रकमसहित पक्राउ परेका छन् । शुक्रबार साँझ करिब साढे ४ बजे घोराही उपमहानगरपालिका–१३ डुमरगाउँबाट एक लाख २२ हजार ५१० रुपैयाँसहित १० जना पक्राउ परेका हुन । जिल्ला प्रहरी कार्यालय दाङका प्रवक्ता डिएसपी मुकुन्दप्रसाद रिजालका अनुसार पक्राउ पर्नेमा घोराही–१३ का ५२ वर्षीय कमान पुन, ४२ वर्षीय लोकबहादुर घर्ती, ४५ वर्षीय प्रेम पुन, ४२ वर्षीय आइतबहादुर घर्ती, ३४ वर्षीय ज्ञानसिंह बुढा रहेका छन् ।

यस्तै, वडा नम्बर १५ का २२ वर्षीय निमबहादुर रोका, वडा नम्बर १४ का वर्षीय २६ त्रिपन बुढा, वडा नम्बर १५ का ३३ वर्षीय ढोका घर्ती, वडा नम्बर १२ का ४० वर्षीय तेजलाल पुन र वडा नम्बर १३ का ६८ वर्षीय गणबहादुर घर्ती रहेका छन्। गनबहादुर घर्तीको घरमा जुवा खेलिरहेको भन्ने सूचनाका आधारमा जिल्ला प्रहरी कार्यालयबाट खटिएको टालिले उनीहरुलाई पक्राउ गरेको हो । पक्राउ परेका १० जनामाथि अहिले थप अनुसन्धान भइरहेको प्रवक्ता रिजालले बताउनुभयो ।


कमेन्ट गर्नुहोस् :

फेसबुकमा लाइक गर्नुहोस् :

सम्बन्धित समाचार