कपिलवस्तुका पौडेलको निधनबाट नेकपालाई क्षती

314
Pissa Aata

कपिलवस्तु ३०भदौ ।नेकपाका प्रदेश पाँचका सामान्य प्रशासन विभाग सदस्य टिकाराम पौडेलको दुःखद् निधन प्रति नेकपा कपिलवस्तुले शोक विज्ञप्ती मार्फत श्रद्धाञ्जली एवम् समवेदना ब्यक्त गरेको छ । नेकपा कपिलवस्तुका जिल्ला अध्यक्ष झविलाल पोख्रेल र जिल्ला सचिव रामचन्द्र शाह (विष्ण) द्धारा जारी शोक विज्ञप्तीमा एक होनहार योद्धाको दुःखद् निधनबाट सिंगो पार्टी र समुदायलाई अपूरर्णिय क्षती पुगेको उल्लेख गरिएको छ । जारी विज्ञप्तीमा वैचारिक, सरल, कर्मठ, अनुशासित, एवम् सामाजिक अभियान्ताको आचर्यजनक निधनको खबरबाट सिंगो पार्टी स्तब्ध एवम् शोकाकूल भएको बताइएको छ ।

     विज्ञप्तीमा स्व. टिकाराम पौडेल प्रति भावपूर्ण श्रद्धाञ्जली प्रकट गर्दै शोकसन्तप्त परिवारजन प्रति गहिरो समवेदना प्रकट गरिएको  नेकपा जिल्ला प्रचार तथा प्रकाशन विभाग प्रमुख लक्ष्मण बेल्बासेले जानकारी दिनु भयो । शिवराज नगरपालिका वडा नं. ५, चन्द्रौटा, कपिलवस्तु निवासी स्व. टिकाराम पौडेलले अर्घाखाँची हुदै कपिलवस्तुको राजनैतिक, सामाजिक, साँस्कृतिक आनदोलनमा महत्वपूर्ण भूमिका निर्वाह गर्दै आउनु भएको थियो । स्व. पौडेल तत्कालिन नेकपा कपिलवस्तुको नगर , क्षेत्री र  जिल्ला कमिटी सदस्यको जिम्मेवारी पुरा गर्नु भएको थियो । 

    स्व. पौडेल एक वैचारिक, सामाजिक अगुवाको रुपमा समेत स्थापित हुनुहुन्थ्र्यो । कपिलवस्तुको पश्चिमी क्षेत्रमा मात्र नभई सिंगो कपिलवस्तुबासीमा उहाँको दुःखद् खबर संगै जिल्ला बासीलाई स्तब्ध बनाएको छ । अर्घाखाँचीको सित्धाराबाट अध्यापन पेशाबाट विदालिई २०५६ सालमा स्व. टिकाराम पौडेल कपिलवस्तुको शिवपुर, करलियामा बसाई सराई गर्नु भएको थियो । ५८ वर्षे स्व. टिकाराम पौडेलका तीन छोरी, एक छोरा र एक श्रीमती हुनुहुन्छ ।  अर्घाखाँचीको जुकेनामा जन्मनु भई २०५६ साल देखी कपिलवस्तुलाई कर्मथलो बनाउनु भएका टिकाराम पौडेलको २८ गते आइतवार राती ११ बजे भिम अस्पताल भैरहवामा दुःखद् निधन भएको हो । 


कमेन्ट गर्नुहोस् :

फेसबुकमा लाइक गर्नुहोस् :

सम्बन्धित समाचार