कञ्चनमा दलित र मुसहरलाई धमाधम घर र जग्गा वितरण

214

रुपन्देही  २१ मंसिर । रुपन्देहीको कञ्चन गाउँपालिकाले घर जग्गा नभएका दलित र  मुसहर जातिका स्थानीय ५० परिवारको घर निर्माण गरिदिएको छ । गाउँपालिकाका अध्यक्ष गोकर्णवहादुर क्षेत्रीले गाउँपालिकाभित्र बसोबास गर्ने घरजग्गा नभएका दलित र मुसहर परिवारलाई घर निर्माण गरिदिएको बताउनु भयो । उहाँले घर र जग्गा नभएका परिवारलाई एक–एक कट्ठा जग्गा सहित दुई कोठे घर निर्माण गरिदिएको बताउनु भयो ।  
      संघीय सरकार तराई मधेश समृद्धि कार्यक्रम र कञ्चन गाउँपालिकाको संयुक्त लगानीमा घर निर्माण भएका हुन् । अध्यक्ष क्षेत्रीले एक घरका लागि दुई लाख २० रुपियाँ लगानी भएको जानकारी दिनुभयो । संघीय सरकारको एक करोड र कञ्चन गाउँपालिकाको १० लाख रुपियाँ लगानीमा गाउँपालिकाका सबै वडामा गरी ५० घर निर्माण भएका हुन् ।  कञ्चन गाउँपालिका २ का अध्यक्ष जनक थापाले आफ्नो वडामा मात्रै ३० घर निर्माण भएको जानकारी दिनुभयो ।
        गाउँपालिकाकी उपाध्यक्ष गोमा तरामु मगरले निर्वाचनमा जनतासंग गरिएको प्रतिवद्धता अनुसार गाउँपालिकाले ती घर निर्माण गरिदिएको बताउनु भयो । ती घरहरु स्थानीय समुदायलाई हस्तान्तरण भैसकेको छ ।  घर र जग्गा पाएपछि स्थानीय दलित र मुसहर समुदायले खुसी व्यक्त गरेका छन । स्थानीय जानकी मुसहरले कच्ची घर भएकै कारण वर्षामा पानी चुहिने समस्या भोग्दै आएकोमा गाउँपालिकाले दुई कोठे पक्की घर वनाईदिएकोमा खुसी लागेको बताईन ।


कमेन्ट गर्नुहोस् :

फेसबुकमा लाइक गर्नुहोस् :

सम्बन्धित समाचार