शाईन रेसुङ्गाद्वारा कर्जामा लाग्ने ब्याजमा छुट

82

रुपन्देही, ९ साउन। शाइन रेसुङ्गा डेभलपमेण्ट बैंक लिमिटेडले कोरोना प्रभावित आफ्ना ऋणी ग्राहकलाई कर्जामा लाग्ने ब्याजमा छुट दिएको छ ।  बैंकका अनुसार साउन ६ गतेदेखि सबै ग्राहकमा लागू हुने गरी कर्जाको ब्याज दर न्यूनतम एक दशमलव १८ प्रतिशतले घटाएको जनाएको छ । यस्तै कोभिड–१९ को असरबाट प्रभावितहरुका लागि राहत पुगोस भन्ने उद्देश्यले नेपाल राष्ट्र बैंकले तोकेको क्षेत्रका कर्जाहरुमा बैंकले आठ करोड ५ लाख रुपैयाँ ब्याज छुट गरेको बैंकका प्रमुख कार्यकारी अधिकृत प्रकाश पौडेलले जानकारी दिनुभयो ।  

        त्यसैगरी नयाँ आर्थिक वर्षको सुरुसंगै बैंकले साना तथा मझौला उद्योग व्यवसाय कर्जा, कृषि कर्जा तथा ब्यक्तिगत घर कर्जा बार्षिक नौं दशमलव ५० प्रतिशतमा प्रवाह गर्नेे अधिकृत पौडेलले बताउनुभयो । यस्तै अन्य कर्जाहरुमा समेत अत्यन्त प्रतिस्पर्धी ब्याजदर कायम गरी अर्थतन्त्रमा योगदान पुराउने दावी बैंकले गरेकोे छ ।

    यता बैकले दिएका सबै सहुलियत कपिलवस्तु शाखाले समेत प्रवाह गरेको र धेरै ग्राहकले सुविधा लिएको जीतपुर शाखामा प्रबन्धक अनुराग पाण्डेले वताउनु भयो ।  बैंकको हाल जारी तथा चुक्ता पूँजी तीन अर्ब १ करोड रहेको छ भने बैंकले प्रदेश ५, बागमती प्रदेश र गण्डकी प्रदेशमा गरी कूल ६९ वटा शाखा कार्यालयमार्फत सेवा दिएको जनाएको छ । 


कमेन्ट गर्नुहोस् :

फेसबुकमा लाइक गर्नुहोस् :

सम्बन्धित समाचार