नेपालकालागि अबका ४ महिना सबै भन्दा चुनौतीपूर्ण

410

काठमाडौं ५ कार्तिक ।  स्वास्थ्य तथा जनसंख्या मन्त्रालयले अबको चार महिनामा १ लाख ४८ हजारदेखि ३ लाख जनासम्म कोरोना संक्रमित थपिन सक्ने अनुमान गरेको छ । मन्त्रालयको हेल्थ सेक्टर ¥यापिड एक्सन प्लान २ मा कात्तिकदेखि माघ महिनासम्म सामान्य अवस्था रहे थप १ लाख ४८ हजारसम्म र खराब अवस्था आएमा ३ लाखसम्म संक्रमित थपिने प्रक्षेपण गरेको मन्त्रालयका एक अधिकारीले बताए। चिसो मौसम शुरू भएसँगै संक्रमण बढ्ने अनुमान गर्दै मन्त्रालयले संक्रमण नियन्त्रण निम्ति नयाँ कार्ययोजना पनि बनाएको छ । यी चार महिना नेपालकालागि सबैभन्दा चुनौतीका हुने भएका छन् । 

    यसअघि पनि मन्त्रालयले असारदेखि असोजसम्म अवस्था खराब हुँदा १ लाख ८० हजारसम्म संक्रमित हुने प्रक्षेपण गरेको थियो। तर सो अवधिमा संक्रमणका मामिला प्रक्षेपण गरिएभन्दा केही कम भएको थियो। उपत्यका बाहिर शुरूमा कोरोना फैलिएको ठाउँमा संक्रमण नियन्त्रणमा आउनु यसको प्रमुख कारण रहेको मन्त्रालयका अधिकारीहरूले बताएका छन । तर, अहिले भने काठमाडौं उपत्यका जस्तो मानिसको बाक्लो बसोबास भएको क्षेत्रमा कोरोना समुदायस्तरमा नै फैलिएको हुँदा संक्रमण बढी देखिनसक्ने अनुमान गरी सोहीअनुसार मन्त्रालयले कार्ययोजना बनाएको बताइएको छ।


कमेन्ट गर्नुहोस् :

फेसबुकमा लाइक गर्नुहोस् :

सम्बन्धित समाचार