तौलिहवा : आईसियू सेवा शुभारम्भ ,सेवाग्राहीमा भरोसा बृद्धि

93

कपिलवस्तु २५ चैत ।कपिलवस्तु जिल्ला अस्पतल तौलिहवाले सघन उपचार कक्ष (आइ सि यु) र मोलिक्युलर ल्याब सेवासुरु गरेपछि सेवाग्राहीमा ठूलो भरोसा थपिएको छ । सो सेवाको एक कार्यक्रम बीच सांसद बृजेश कुमार गुप्ताले उद्घाटन गर्नुभएको हो । सांसद गुप्ताले अब विरामीलाई बुटवल धाउनुपर्ने बाध्यता केहि हदसम्म अन्त्य हुदै जाने तर्क गर्नु भयो ।

पछिल्लो समय सेवा सुविधा र ब्यवस्थापनमा सुधार हुँदै आएको अस्पतालमा अहिलेसम्म दन्त रोग, आँखा उपचार केन्द्र, फिजियोथेरापी सेवा, कन्सल्टेन्ट सहितको सुविधा प्रदान भइरहेको छ । अहिले आइसियु र मोलिक्युलर ल्याब सेवाको सुरुवातपछि भरपर्दो आइसियूको लागि अब बाहिर धाउन नपर्ने मेडिकल सुपरिडेण्टेन्ट डा किशोर बञ्जाडेले बताउनु भयो । यो सेवापछि धेरैलाई जटिल उपचारमा सहयोग हुने अस्पतालले अपेक्षा लिएको छ ।तौलिहवा अस्पतालले २ वर्ष यता क्रान्तिकारी फ्ड्को हान्न सफल भएको दावि गरिएको छ । 


कमेन्ट गर्नुहोस् :

फेसबुकमा लाइक गर्नुहोस् :

सम्बन्धित समाचार