लुम्बिनी प्रदेश : लगानी सम्मेलनको संयोजन गर्ने जिम्मा कुन मन्त्रीले पाए ?

225

बुटवल ९ फागुन । लुम्बिनी प्रदेशमा चैत १९ र २० गते लगानी सम्मेलन हुने भएको छ। प्रदेश मन्त्रिपरिषद् बैठकले २०७७ चैत १९ र २० लगानी सम्मेलन गते निर्णय गरेको हो। बैठकपछि निर्णय सार्वजनिक गर्दै लुम्बिनी प्रदेश सरकारका प्रवक्ता एवं भौतिक पूर्वाधार विकास मन्त्री बैजनाथ चौधरीले बैठकले सम्मेलनको मिति मात्रै तोकेको जनाउनुभएको छ । प्रदेश सरकारको पूर्व योजना अनुसार नै सम्मेलन हुन लागेको उहाले जानकारी गराउनुभएको हो ।

    प्रवक्ता चौधरीले सम्मेलनको लागि मिति तोकिएको भएपनि स्थान भने नतोकिएको जानकारी दिनुभयो ।  सरकारले बैशाखमा निर्वाचनको मिति तोकेपनि सम्मेलन गर्नलाई निर्वाचन आयोगले निर्णय नगर्दासम्म काम जारी रहने उहाले जानकारी दिनुभएको छ । यसको विषयमा आवश्यक समन्वय गर्न लुम्बिनी प्रदेशका उद्योग पर्यटन बन तथा वातावरण मन्त्री लिला गिरीलाई संयोजक तोकिएको उनले जानकारी दिनुभयो ।

    लगानी सम्मेलनको लागि अवधारण पत्र बनाइने जानकारी गराउँदै उहाले प्रोजेक्ट बैंक लगायतका कामहरु हुने जानकारी दिनुभएको छ । उहाले समितिको आर्थिक मामिला तथा योजना मन्त्रालयका सचिव, सदस्य सचिव तथा सदस्यहरुमा प्रमुख सचिव, प्रदेश मन्त्रालयका सबै सचिवहरु, योजना आयोगका सदस्यहरु रहने गरी काम हुने जानकारी दिनुभयो ।


कमेन्ट गर्नुहोस् :

फेसबुकमा लाइक गर्नुहोस् :

सम्बन्धित समाचार