२० गाउलाई जोड्ने मर्थिखोलामा पक्की पुलको सिलन्यास,५० वर्ष देखिको अधुरो सपना पुरा

289

कपिलवस्तु १३ फागुन ।कपिलवस्तुको मायादेवी गाउँपालिकाको वडा नं. ३ फुलिका मर्थिखोलामा ३ करोड ४६ लाखको लागतमा २५ मिटर लामो डबल लेनको पक्की पुल बन्ने भएको छ । एक भव्य समारोहका वीच प्रदेश सांसद विष्णु पन्थीले पुलको सिलन्यास गर्नु भयो । सिलन्यास गर्दै सांसद पन्थीले पञ्चायतदेखि जनताले माग गरे पनि कुनै सरकारले सुनुवाई नगरेकोमा यसपाली प्रदेश सरकारले पुलकालागि बजेट विनियोजन गरेको बताउनु भयो ।

२० गाउलाई जोड्ने मर्थिखोलामा पक्कीपुलको सिलन्यास गरिएकोे हो । सो पुलको ५० वर्ष देखिको अधुरो सपना पुरा भएको स्थानीय वडाध्यक्ष सुकदेव तिवारीको भनाइछ । १८ महिनामा निर्माण सम्पन्न हुने भनिएकोमा एक बर्ष भित्रै काम सम्पन्न गर्न ठेकेदार पक्षलाई बिशेष आग्रह गर्दै कुनै असुविधा परेमा सघाउन पालिका प्रमुख उपप्रमुखलाई अनुरोध गर्नु भयो । सिलन्यास समारोहका वीच धार्मिक विधिअनुसार भएको पुजामा प्रदेश सांसद सुष्मा यादव,मायादेवी गाउँपालिका उपाध्यक्ष गिता तिवारी , वडा अध्यक्ष शुकदेव तिवारीको सहभागिता थियो ।

फुलिका आधारभूत निमाविसंगै रहेको उक्त खोलामा पुल बन्न नसक्दा बालबालिका समेत उच्च जोखिममा परेको वडा अध्यक्ष तिवारीले बताउनु भयो । प्रदेश सांसद पन्थीले गरेको पहल सार्थक भएको र यसले २० गाउँका जनतालाई प्रत्यक्ष फाइदा प¥्याउने तिवारीको भनाई छ ।वाणगंगा नगर आफैमा समृद्धीको यात्रामा रहे पनि त्यो संगै सिमा जोडिएको फुलिकामा पुल बन्न नसक्दा विगतमा एक जना विद्यार्थीले सो नदी तर्दा ज्यान गुमाउनु परेको थियो । फुलिकावासीले लामो प्रतिक्षा पछि पुल बन्न थालेकोमा उत्साह पूर्वक सिलन्यास समारोहमा सहभागिता जनाएका थिए । 


कमेन्ट गर्नुहोस् :

फेसबुकमा लाइक गर्नुहोस् :

सम्बन्धित समाचार