कपिलवस्तु, १७ कार्तिक ।कपिलवस्तुको निर्वाचन क्षेत्र नम्बर १ बाट प्रतिनिधि सभा सदस्य पदका लागि उम्मेद्धारी दिएका इन्जिनियर देवेन्द्र कुमार शर्माको कपिलवस्तु देखि राजधानी सम्मै चर्चा चुलिएको छ । इन्जिनियर शर्माले हाम्रो नेपाली पार्टीको चुनाव चिन्ह लोरो लिएर कपिलवस्तु एक बाट उम्मेद्धारी दिएका हुन् । उनी देशभरबाट उम्मेद्धारी दिएकाहरु मध्ये प्रतिनिधि सभाका लागि सबैभन्दा कान्छो उम्मेद्धार भएको भन्दै उनको कपिलवस्तु देखि काठमाण्डौँ सम्मै चर्चा चलेको छ ।
नेपाल सरकारका पूर्व सचिव समेत रहेका सामाजिक अभियान्ता भिम उपाध्यायले उम्मेद्धार शर्माको विषयलाई आफ्नो सामाजिक सञ्जालबाट सार्वजनिक गरेसँगै उनको चर्चा थप चुलिएको छ । यस बाहेक कपिलवस्तुमा समेत पूर्व मन्त्रीसँगै चुनावी प्रतिसप्रर्धामा उत्रिएका शर्मा कलिलो उमेरमै जनताबाट निर्वाचित हुन आँट भएको भन्दै सर्वसाधारणमा समेत चर्चा हुने गरेको छ यता उम्मेद्धार शर्माले भने कपिलवस्तुका जनताले जिल्लाको क्षेत्र नम्बर १ को विकासका लागि नयाँ उम्मेद्धार खोजिगरेका बेला यहाँका ठूला दलहरुले नयाँ अनुहार दिन नसकेपछि आफुले उम्मेद्धारी दिएको बताउने गरेका छन् । उनले यहाँको विकासका लागि भिजन पनि आफूसँग भएको र इन्जिनियर पनि भएकाले यहाँको भौतिक पूर्वाधारको क्षेत्रमा अभूतपूर्व प्रगति गर्न सक्ने योजना पनि आफूसँग भएको बताएका छन् ।
उमेरले २६ वर्षका शर्मा उम्मेद्धारी दिनुअघि कपिलवस्तुका विभिन्न क्षेत्रमा बनेका सडक पूर्वाधारमा इन्जिनियरको भुमिकामा समेत थिए । उनले थुप्रै सडक आयोजनामा काम पनि गरेका छन् । विकासको नक्सा बनाएर मात्रै नहुने भन्दै उनले अब ससंदमै पुगेर त्यसको लागि बजेट विनियोजन र कानुन निर्माणमा पनि सहभागि बन्ने बताए । यसपटकको निर्वाचनमा कपिलवस्तुका जनताले नयाँ र योग्य उम्मेद्धारलाई जिताउनेमा उनी ढुक्क पनि छन् ।
प्रतिक्रिया