करिब २ सय बढिले लिए होटल तथा पर्यटन व्यवसायी संघ कपिलवस्तुको सदस्यता

हरि घिमिरे
कपिलवस्तु, ०९ असोज । होटल तथा पर्यटन व्यवसायी संघ कपिलवस्तुले सदस्यता विस्तारलाई तिव्रता दिएको छ । संघले हाल सम्म करिब २ सय सदस्यता आबद्ध गराएको छ । भाद्र २७ गते देखि सुरु भएको अभियानमा उत्साहजनक रुपमा व्यवसायीहरु आबद्ध भएको संघका अध्यक्ष रविन्द्र पौडेलले जानकारी दिनु भयो । “युवा स्वरोजगार,व्यबसायी समृद्धि तथा पर्यटन प्रबद्र्धन हाम्रो अभियान” भन्ने मुल नाराका साथ होटल तथा पर्यटन ब्यबसाइ संघ कपिलवस्तुले सदस्यता विस्तारलाई तिव्रता बनाएको अध्यक्ष पौडेलले बताउनु भयो । संघमा आबद्ध सदस्यहरुको स्वास्थ्य तथा दुर्घटना बिमा संघ मार्फत हुने भएकाले पनि सदस्यतामा उत्साहजनक सहभागिता देखिएको अध्यक्ष पौडेलको भनाई छ । जिल्लाको, बाणगंगा, कृष्णनगर, शिवराज, तैलिहवा भित्रका व्यवसायीहरुका लागि स्थलगत रुपमै पुगेर संघले आफ्ना योजनाहरु सार्वजनिक गरेका छन् । संघले ब्यबसायीक हकहित र समृद्धिको अभियानमा कोहि पनि नछुटि एकताका साथ लाग्न अपिल समेत गरेको छ । यस्तै संघले सदस्यता बिस्तार अभियान सकिए पछि बृहत भेला को आयोजना गर्ने र सबैको सल्लह सुझावको आधारमा वार्षिक कार्ययोजना बनाएर संस्था बलियो बनाउने उदेश्य लिएको छ ।