सबै सामुदायिक विद्यार्थीलाई नगरले वाड्यो शैक्षिक सामग्री

कपिलवस्तु २२ साउन ।
कपिलवस्तुको बाणगंगा नगरपालिका वडा नं. ७ ले वडाभित्र रहेका १२ सय ३७ जना विद्यार्थीलाई शैक्षिक सामग्री वितरण गरेको छ । लक्षित वर्गको कार्यक्रम अनुसार विद्यार्थीलाई पठनपाठनमा टेवा पुग्ने गरि एक कार्यक्रमका बीच वडाले विद्यार्थीलाई उक्त शैक्षिक सामग्री वितरण गरेको हो । वडा भित्र रहेका सबै सामुदायिक विद्यालयका कक्षा १ देखि ८ सम्म अध्ययन गर्ने १२ सय ३७ जना विद्यार्थीहरुलाई शैक्षिक सामाग्री वितरण गरेको वडा अध्यक्ष विष्णु गिरीले बताउनुभयो ।
जसमध्ये जनचेतना आधारभुत विद्यालय बनगाईका ३ सय १२ जना, नवदुर्गा आधारभुत विद्यालय मोतिपुरडाँडाका ३ सय ९ जना र जनज्योती माध्यमिक विद्यालय मोतिपुरका ६ सय १६ जना विद्यार्थीहरुलाई वडा कार्यालयको लोगोसहित उक्त शैक्षिक सामग्री वितरण गरिएको वडाध्यक्ष गिरीले बताए । शैक्षिक सामग्री प्रदान गर्दै सामुदायिक विद्यलायमा विपन्न र आर्थिक स्तर कमजोर भएका विद्यार्थीको संख्या उल्लेख्य रहेकाले आर्थिक स्तर कमजोर भएकै कारण शिक्षाबाट बञ्चित हुन नपरोस् भन्ने उद्देश्यले उक्त शैक्षिक सामग्री प्रदान गरिएको उनले जनाए ।