प्लस–टू पढ्ने विद्यार्थीहरुलाई रेसुङ्गा नगरपालिकाको मासिक ४ हजार

गुल्मी २० श्रावण। गु्ल्मीको रेसुङ्गा नगरपालिकाले यस वर्षको एसईई परीक्षामा ३।२ जिपिए भन्दा माथि अंक ल्याई उत्तिर्ण भई प्लस–टू पढ्न चाहने विद्यार्थीहरुलाई छात्रवृत्ति स्वरुप मासिक ४ हजार रुपैयाँ उपलब्ध गराउने भएको छ ।
उक्त बिशेष कार्यक्रमको रेसुङ्गा नगरपालिकाका मयेर खिलध्वज पन्थीले शुक्रबार एक समारोहकाबीच घोषणा गरेका हुन् । उनले रेसुङ्गा नगरपालिका भित्र घर भएका र पालिका भित्रैका विद्यालयहरुमा कक्षा ११ र १२ सम्म अध्यान गर्ने विद्यार्थीहरुलाई मासिक ४ हजारका दरले रकम उपलब्ध गराउने गरि कार्यक्रम ल्याईएको बताए ।
पन्थीले शिक्षा र स्वास्थ्य विकासको मुख्य आधार भएको बताउँदै बिशेषतः बसाई सराई रोक्नका लागि यो बिशेष कार्यक्रम अगाडि सारिएको सुनाए ।
नगरपालिकाका प्रमुख प्रशसकिय अधिकृत भक्तीराम मरासीनीले मेयर पन्थीले घोषणा गरेको यस कार्यक्रमले विशेष गरि पढाईका कारण गाउँ छाडेर शहरका बवद्यालय जान बाध्य विद्यार्थीहरुलाई रोक्न मदद्दत पुग्ने धारणा राखे ।
पालिकाका शिक्षा शाखा प्रमुख बिष्णुप्रसाद भण्डारीले यस वर्षको एसईई परिक्षामा ३।६ भन्दा माथि ३६ जना र ३।२ भन्दा माथि १०६ जना गरि १४२ जना विद्यार्थीहरुलाई प्रति विद्यार्थी मासिक ४ हजारका दरले स्कलरशिप स्वरुप सहयोग उपलब्ध गराउने कार्यक्रम रहेको र छिटै कार्यविधी समेत बनाएर कार्यक्रम लागु गर्न लागिएको बताए ।