हरेकका घरघरमा एकाविहानै पत्रिका पुरयाउने रमेश रहेनन्

कपिलवस्तु ३ असार । बिगत ढेड दशक भन्दा बढी सयय देखि तौलिहवामा पत्रिका बितरणमा सक्रिय रहेका कपिलवस्तु नगरपालिका वडा नम्बर(२ निवासी रमेश कुर्मिको असामयिक निधन भएको छ । । आज विहान बसपार्कमा पुगेर पत्रिका ल्याएका रमेशले मेडिकलवाट औषधी समेत लिएको आएको उहाकी दिदीले वताउनु भयो । सायद उच्च रक्तचापको औषधी हुनु पर्छ नुहाएर खाने भन्दै नुहाउन पुगेका रमेश त्यहि बिचमा ढलेको र ढल्नासाथ मुखवाट खुन आएको उहाले वताउनु भयो । कपिलवस्तुको तौलिहवामा जेजति पत्रिका पुग्थे ती सबैको एकामत्र वितरण (हकर )का रुपमा रमेशले काम गर्नु हुन्थ्यो । उहाको निधनपछि अस्पतालमा पुगेर बुद्ध दर्पण दैनिकका प्रबन्ध निर्देशक लक्ष्मण् बेल्वासे र प्रेसपाटी अनलाइनका प्रधान सम्पादक भेषराज पाण्डेले घर परिवारलाई भेट गर्दै समबेदना प्रकट गर्नु भएको छ । मृतक रमेश प्रति अन्तिम श्रद्धाञ्जली समेत प्रकट गर्नु भएको छ । रमेश बुद्ध दर्पन दैनिकको शुरुवाटै अहिले सम्म वितरक हुनु हुन्थ्यो ।