राष्ट्रिय महिला क्रिकेट प्रतियोगिता अन्तर्गत आज दुई वटा खेल हुँदै

दाङ १३ पुष । प्रधानमन्त्री कप राष्ट्रिय महिला क्रिकेट प्रतियोगिता अन्तर्गत आज दुई वटा खेल हुँदैछन् ।समूह ए को समूहचरणको अन्तिम खेल हुन लागेको हो । दाङको देउखुरी क्रिकेट रंगशालामा साढे नौ बजेबाट सुरु हुने पहिलो खेलमा प्रतियोगिताबाट बाहिरिसकेका कर्णाली र प्रदेश २ का बीच प्रतिस्पर्धा हुनेछ ।

दोस्रो खेलमा दिउँसो सेमिफाइनल पुगिसकेका एपीएफ र लुम्बिनी समूह प्रतिस्पर्धा गर्नेछन् ।दुवै टिम सेमिफाइनलमा पुग्ने लक्ष्यमा हुनेछन् । आजको खेलको नतिजाबाट समूह ए को विजेता र उप-विजेताको टुंगो लाग्ने छ । समूह बीमा सुदूरपश्चिम प्रदेश, प्रदेश १, गण्डकी र वाग्मती प्रदेश रहेका छन् ।समूह बीको खेल भोलिदेखि सुरु हुने छ । सेमिफाइनलका दुवै खेल १८ गते हुनेछ भने फाइनल खेल १९ गते हुनेछ ।