बिधुतीय सवारीलाई सुविधै सुविधा :कपिलवस्तुमा २ सहित ५२ चार्जिङ स्टेसन बन्दै

काठमाण्डौं, २० मंसिर ।बिधुतीय सवारीलाई सुविधै सुविधा हुने भएको छ । कपिलवस्तुमा २ सहित देशभर ५२ चार्जिङ स्टेसन बन्ने चरणमा छन् ।नेपाल विद्युत प्राधिकरणले देशका विभिन्न स्थानमा ५२ वटा चार्जिङ स्टेसन निर्माण प्रक्रिया अगाडि बढेको बताएको छ ।
आगामी वैशाखसम्ममा निर्माण प्रक्रिया सक्काउने गरी काम भइरहेको नेपाल विद्युत प्राधिकरणका प्रवक्ता सुरेशकुमार भट्टराईले जानकारी दिनुभएको छ ।चन्द्रौटा कपिलवस्तुमा दुई, सैनामैना रुपन्देहीमा एक, बुटवल बसपार्क रुपन्देहीमा दुई, नवलपरासी बर्दघाटमा दुई, पोखरास्थित टुरिस्ट बसपार्कमा दुई र लेकसाइडमा एक स्टेसन बन्ने प्राधिकरणले बताएको छ । बाँकेको कोहलपुरमा एक, सुर्खेत बसपार्कमा दुई, दाङमा तमही रिफ्रेस सेन्टर दुई र घोराहीमा एक बन्नेछन ।