अर्थ-वाणिज्य

एमाले महाधिबेशनको बन्दशत्रमा ४ हजार सहभागि हुने


१ मंसिर २०७८, बुधबार


चितवन, १ मंसिर । एमालेले १०औँ राष्ट्रिय महाधिवेशनको व्यवस्थापनका लागि तयारी तीव्र पारेको छ । महाधिवेशनको उद्घाटन सत्र हुने नारायणी नदी किनारमा बुधबारदेखि मञ्च निर्माणको काम सुरु हुँदै छ । काठमाडौँबाट आएको प्राविधिक टिमले नै मञ्च निर्माणको काम गर्ने छ । १०(१२ मंसिरसम्म चितवनमा हुने महाधिवेशनको उद्घाटन सत्र नारायणी नदी किनारमा हुने छ ।

उद्घाटन सत्रमा पाँच लाख कार्यकर्ता उतार्ने एमालेको तयारी छ । बन्द सत्र भने ११ र १२ मंसिरमा सौराहाको होटल सेभेन स्टारमा हुने तय भएको छ । बन्द सत्र हुने सौराहामा प्रतिनिधिका लागि आवास र खानपानको बन्दोबस्त गरिएको छ । दुई हजार महाधिवेशन प्रतिनिधि, १५ सय स्वयंसेवक र पाँच सय अतिथि तथा पत्रकार गरी चार हजार जनाका लागि होटलका कोठा बुक गरिएको छ ।

बन्द सत्रमा सहभागीले सौराहामा पाँच छाक खाना खाने छन् । खाना खाजा र कोठाका लागि आयोजकले व्यवसायीहरूसँग आधिकारिक रूपमा सम्झौता भने गरिसकेको छैन । १० मंसिर राति एमाले अध्यक्षका तर्फबाट विशेष खानाको व्यवस्था गर्ने भनिएको छ ।११ र १२ मंसिरको बिहानको खाजा ९ब्रेकफास्ट० र बेलुकीको खाना गरी चार छाकको व्यवस्था गर्न व्यवसायीहरूलाई भनिएको छ । दुई दिनको दिउँसोको खानाको पनि आयोजकले नै व्यवस्था गर्ने भएको छ । त्यसका लागि आयोजकले क्याटरिङलाई जिम्मा दिँदै छ ।

बन्द सत्र हुने होटलको नजिकै खाली चौरमा पण्डाल बनाइएको छ । पण्डालबाट पार्टी अध्यक्षले कार्यकर्तालाई सम्बोधन गर्ने महाधिवेशन आयोजक समितिका सहसंयोजक सुरेन्द्र पाण्डेले बताउनु भयो । ११ गते बेलुकीसम्म उम्मेदवारी दर्ता र फिर्ताको काम सकेर १२ गते बिहानबाट भोटिङ सुरु हुने पाण्डेले जानकारी दिनुभयो ।आयोजकसँग औपचारिक सम्झौता भइसकेपछि खाना र खाजाको मेन्यु सार्वजनिक गरिने होटल सेभेन स्टारका सञ्चालक माधव दुवाडीले बताए । ‘खाजा खानाका लागि लगभग म्यान्डेट पाइसक्यौँ । तर पनि औपचारिकता पूरा गर्न बाँकी छ । सम्झौता पत्रमा हस्ताक्षर भएपछि औपचारिकता पनि सकिन्छ’, उनले भने ।

ब्रेकफास्टको मेन्यु तयार भइनसकेको उनले बताए । खानामा दाल, भात, तरकारी र मासुको व्यवस्था हुने छ । खाजा तथा खानाको मेन्यु तयार गर्ने विषयमा मोनिटरिङका लागि सोल्टी र हायत होटलबाट अनुभवी सेफहरूलाई ल्याइने उहाँले बताउनु भयो ।

कोठा भाडामा विशेष छुट 

एमाले महाधिवेशनको बन्द सत्रमा सहभागी हुनेहरूलाई कोठा भाडामा २० देखि ५० प्रतिशत छुट दिने निर्णय भएको क्षेत्रीय होटल व्यवसायी संघ चितवनका अध्यक्ष दीपक भट्टराईले बताउनु भयो । एक दिनको १० हजार रुपैयाँ पर्ने कोठालाई अहिले ४५ सय रुपैयाँमा दिन खोजिएको उनहाँ भनाइ छ ।संघले होटललाई ‘ए’, ‘बी’ र ‘सी’ वर्गमा छुट्याएको छ । स्टार लेभलका होटललाई ‘ए’ वर्गमा राखिएको छ भने मध्यम वर्गका होटललाई ‘बी’ वर्गमा राखिएको छ । साना होटललाई ‘सी’ वर्गमा राखिएको छ ।

‘ए’ वर्गका होटलको एउटा कोठालाई प्रतिदिन ४५ सय, ‘बी’ वर्गलाई २५ सय र ‘सी’ वर्गलाई १५ सय रुपैयाँ कायम गरिएको उनले जानकारी दिए । पार्टी र व्यवसायी दुवैलाई घाटा नपर्ने गरी केही साना वर्गका कोठालाई पनि राम्रोसँग व्यवस्थापन गरिएको उहाँले बताउनु भयो ।‘यसअघि विभिन्न पार्टीका कार्यक्रम हुँदा पाँच(दश वटा होटलका कोठा पार्टीलाई सहयोग गर्नुपर्छ भन्ने गर्नुहुन्थ्यो । यसपालि त्यस्तो नभएको हुँदा हामीले सहुलियत दरमा कोठा र खाना उपलब्ध गराउने भनेका हौँ’, उहाँले भन्नुभयो ।

सौराहामा १०(१३ मंसिरसम्मका लागि सबै होटलका कोठा बुक भइसकेको उहाँ बताउनु हुन्छ ।‘सौराहाका साना ठूला होटल व्यवसायीसँग भएको ६५ सय बेड हो । एमाले महाधिवेशनको प्रतिनिधिका लागि चार हजार बेड बुक भयो । त्यसका अलावा व्यक्तिगत रूपमा पनि करिब एक हजार बेड बुक भएका छन्’, उहाँले भन्नुभयो ।

प्रकाशित : १ मंसिर २०७८, बुधबार

सूचना विभाग दर्ता नं.

८५८-२०७५/७६

सम्पर्क

सम्पर्क ठेगाना : बाणगंगा न.पा.– जितपुर, कपिलवस्तु
कपोरेट कार्यालय : बुटवल उपमहानगरपालिका, ट्राफिक चोक बाणगंगा न.पा. ४, जितपुर, कपिलवस्तु
प्रादेशिक कार्यालय : देउखुरी दाङ
सम्पर्क नं. ०७६–५५०२८३,५५०२६०,९८५७०५०९७०
E-mail : [email protected]

प्रेसपाटी हाम्रो समूह

  • प्रवन्ध निर्देशक :  
    लक्ष्मण प्रसाद बेल्बासे
  • प्रधान सम्पादक :  
    भेषराज पाण्डे
  • कार्यकारी सम्पादक :  
    डिलाराम भुसाल